ОАВ: Гельмут Колнинг ўғлига марҳум отаси уйига ташриф буюриш тақиқлаб қўйилди

Жаҳон 22 Июнь 2017 6137
Фото: AP Photo / Michael Sohn

Германиянинг собиқ канцлери Гельмут Колнинг вафоти унинг беваси Майке Коль-Рихтер ва биринчи турмушдан ўғиллари ўртасидаги ихтилофни авж олдириб юборди: полиция Колнинг тўнғич ўғли Вальтер Колга отасининг Людвигсхафендаги уйига киришига рухсат бермади. Бу ҳақда Spiegel нашри ёзмоқда.

Нашр маълумотларига кўра, Вальтер Коль отаси уйига 21 июнда кирмоқчи бўлган, у ярим соат давомида эшик қўнғироғини чалганига қарамасдан, унга ичкаридан ҳеч ким эшикни очмаган. Унинг ёнида ўғиллари ҳам бўлган. Воқеа жойига чақиртирилган полициячилар Колга отасининг уйига келиш тақиқланганини тушунтиришган.

Коль бевасининг адвокати, Вальтер Коль уй олдида атайлаб жанжал чиқарганини айтган. Унинг Маълум қилишича, у аввалроқ Вальтер Коль билан собиқ канцлернинг ўғиллари ва набираларининг у билан 1 июлда видолашиш маросимида иштирок этишлари бўйича телефон мулоқоти ўтказиш ҳақида келишиб олган. Бироқ белгиланган вақтда Вальтер Коль кўплаб қўнғироқларга қарамай, телефонни кўтармаган. Бунинг ўрнига Вальтер эртаси куни отаси уйига огоҳлантиришсиз келиб, уй ичига кирмоқчи бўлган.

Вальтер Коль адвокат унга қўнғироқ қилмаганини айтмоқда. Унинг таъкидлашича, у отасининг беваси томонидан фитна қурбонига айланган. Вальтернинг айтишича, у отасининг ўлими ҳақида радиодан хабар топган.

Spiegel’нинг маълумотларига кўра, собиқ канцлер билан Страсбургда видолашиш маросимида иштирок этадиган меҳмонлар рўйхатини тасдиқлаш вақтида ҳам можаро чиққан. Колнинг беваси Германия канцлери Ангела Меркель якуний сўз билан чиқмаслигини талаб қилган. Гўёки Майке Коль-Рихтер Меркелга якуний сўзни хорижий меҳмонлар, жумладан, Венгрия бош вазири Виктор Орбан айтиши кераклигини айтган.

Гельмут Коль 16 июнда 87 ёшида вафот этди. У 1982 йилдан 1998 йилгача Германия ҳукуматини бошқарган. 

Гельмут Колнинг ўғиллари билан муносабатлари у Майке Рихтерга уйлангандан кейин ёмонлашган. Колнинг ўғиллари отасининг бу қарорини хушлашмаган.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71425 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37185 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21542 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81228 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61913 Жамият
Forbes: Бой бўлишдан уялмаган Малкольм Форбс
01:13 753 Lifestyle
Зидан ҳеч қандай музокараларсиз «Реал» билан шартномани узайтиради
00:53 576 Спорт
Бразилияда бортида 70 киши бўлган паром чўкиб кетди
00:20 589 Жаҳон
Германиядаги йўл-транспорт ҳодисасида 44 руминиялик жабрланди
00:17 258 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 541 Маданият
Кўпроқ янгиликлар