АҚШ президенти Дональд Трамп 21 июнь куни телефон орқали Саудия Арабистонининг янги валиаҳд шахзодаси Муҳаммад бин Салмон Ал Сауд билан терорчиликка қарши кураш ва Фаластин-Исроил ихтилофини тартибга солишни муҳокама қилди. Бу ҳақда Оқ уй баёнотида айтилди. 

Икки томон «террорчиларни қўллаб-қувватловдан маҳрум этиш ва Қатар атрофида давом этаётган зиддиятларни ҳал қилиш йўлларини” муҳокама қилишган. “Улар исроилликлар ва фаластинликлар ўртасида барқарор тинчликка эришиш бўйича саъй-ҳаракатларни ҳам муҳокама қилишган”, деб маълум қилинди Оқ уйда.

Трамп Муҳаммад бин Салмон Ал Саудни валиаҳд шаҳзода этиб тайинланиши билан табриклади. Трамп ва шаҳзода "хавфсизликнинг умумий мақсадларига эришиш учун яқиндан ҳамкорлик қилишга келишиб олишди”. “Улар АҚШ ва Саудия Арабистони ўртасида ўзаро иқтисодий ҳамкорликни янада чуқурлаштириш йўлларини муҳокама қилишди”, деб қўшимча қилинди Оқ уйда.