Ўзбекистон ва Қозоғистон чегара ўтказув пунктлари сонини оширмоқда

Ўзбекистон 22 Июнь 2017 9850

Қозоғистон Сенати йиғилишида Ўзбекистон билан чегарадан ўтиш пунктлари ҳақидаги келишувга протокол ратификация қилинди. Бу ҳақда Today.kz хабар тарқатмоқда.

Шу тариқа, қонун парламент томонидан қабул қилинган ва имзолаш учун давлат раҳбарига йўлланган.

Бош вазирнинг инвестициялар ва тараққиёт бўйича ўринбосари Роман Склярнинг маълум қилишича, протокол Қозоғистон темир йўл чегара пунктини «Бейнеу» станциясидан чегара чизиғидан 2 км масофада жойлашган «Оазис» станцияга кўчиришни назарда тутади.

Шунингдек, фақат енгил автотранспортлар ўтиши учун «Целинний» ва «Сирдарё» халқаро (кўп томонлама) чегара ўтказув пунктларини очиш кўзда тутилган. Шу билан биргаликда, «Казигурт», «Қоплонбек» ва «Атамекен» ўтказув пунктлари мақоми – икки томонламадан кўп томонламага (халқаро) ўзгаради.

Ўзбекистон фуқаролари чегарадан ўтказиш чоғида шахсни тасдиқловчи, давлат чегараларини кесиб ўтиш ҳуқуқини берувчи ҳужжатлар мажбурий тартибда текширилади. Бунда божхона декларацияси тўлдирилмайди, транспорт воситасини рўйхатга олиш ва божхона текширувидан ўтказиш талаб қилинмайди, бироқ мажбурий тартибда визуал кўрик амалга оширилади.

2017 йил февралида Қозоғистон Республикаси бош вазирининг биринчи ўринбосари Асқар Мамин ва Молия вазири Бахит Султанов икки мамлакат чегарасидаги бир қатор божхона постларида бўлганди. Ўшанда делегация аъзолари ўтказув имкониятларини кенгайтириш масалаларини муҳокама қилишганди.

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 53689 Жамият
Олти йил фалажликда: фарғоналик она қисмати аслида қандай бўлган эди?
15:46 / 15.08.2017 65615 Жамият
Президентнинг тўйлар ҳақидаги сўзлари яна нотўғри талқин қилинди
15:15 / 15.08.2017 161248 Жамият
Тошкентдаги янги халқаро мактаб ва болалар боғчасига қабул эълон қилинди
11:17 / 15.08.2017 26984 Жамият
Россияда террорчилар учун асосий нишон нима экани айтилди
18:26 196 Жаҳон
Сурия АҚШ ва Британияни террорчиларга заҳарли моддаларни етказиб беришда айблади
18:24 86 Жаҳон
Самарқандда Ислом Каримов ҳайкали ўрнатилди
Самарқандда ногиронлик нафақасига чиқариш учун 300 доллар сўраган шифокор ўз уйида қўлга олинди
18:11 563 Жамият
Бизнес-омбудсман президент девонида жойлаштирилади
Араблараро урушлар: замонавий дунёда араб мамлакатлари ўртасида бўлиб ўтган бешта йирик қуролли тўқнашув
18:09 1039 Жаҳон
Кўпроқ янгиликлар