Коллеж битирувчиси иш изловчи эмас, иш берувчи бўлади

Жамият 23 Июнь 2017 11107

Андижон вилояти, Бўз туманида фаолият юритаётган мини-завод ҳамда дастгоҳлар ишлаб чиқарувчи UZMOLREKI - BO’ZFARM корхонасида вилоят касб-ҳунар коллежлари битирувчилари учун тадбиркорлик сабоқларини ўзлаштириш маҳорат дарси ташкил қилинди. 

Маълумки, Иброҳимжон Саидохунов бошчилигидаги масканда ишлаб чиқарилган 240 зиёд мини-завод ва дастгоҳлар Ўзбекистоннинг турли гўшаларида фаолият олиб бормоқда. Уларда қарийиб 2 миллиондан ортиқ киши иш билан таъминланган.    

Мамлакатда кичик бизнес ва хусусий тадбиркорликнинг жадал ривожланаётгани касб-ҳунар коллежлари битирувчилари учун қўшимча иш ўринлари ташкил этишда муҳим аҳамият касб этмоқда. Корхонада тайёрланаётган кимё, озиқ-овқат, мева-сабзавот, фармацевтик, косметик ашёлар ишлаб чиқаришга ихтисослашган мини-завод ва дастгоҳлар битирувчи талабалар ҳамда уларнинг устозларида катта таассурот қолдирди.

- Тадбиркорликка қизиққан коллеж битирувчиси тозалаш воситалари, попкорн, мактаб ўқув қуроллари ишлаб чиқарувчи мини-дастгоҳларда ишни бошласа, нафақат ўзи, балки тенгқурларини ҳам иш билан таъминлайди, - дейди Бўз хизмат кўрсатиш касб-ҳунар коллежи ўқитувчиси Бекзод Назиров. – Бу йил коллежимизда: “Сут ва сут маҳсулотларини қайта ишлаш технологи” мутахассислиги бўйича янги йўналиш очилди. Корхона билан ўқувчиларни амалиётини шу масканда ўташ бўйича ҳамкорликни йўлга қўядиган бўлдик.

Битирувчилар корхона раҳбарларидан Иззатилло Муҳаммадазизов томонидан ўтилган кўргазмали маҳорат дарслари давомида - илк бизнесни йўлга қўйиш, тадбиркорлик фаолиятини бошлашда қайси жиҳатларга эътибор бериш кераклиги бўйича назарий ва амалий сабоқ олдилар.

Бухоронинг Олот тумани “Давр” жамияти бошлиғи, тадбиркор - Абдулҳай Толибжонов корхонага “Универсал” мини-заводи учун буюртма берган экан. Шу куни тайёр бўлган ускуналарни олиб кетиш учун келган Абдулҳай ака битирувчилар билан ўз иш тажрибасидан ўртоқлашди.

- Бугунги тадбир давомида мен ўз ғояларимни амалга ошириш имкониятлари жуда катта эканлигини билдим, - дейди Олтинкўл иқтисодиёт коллежи битирувчиси Аббос Эргашев. -Корхонадаги қадоқлаш ускунаси менга жуда ёқди. Мен имтиёзли кредит асосида эчкичиликни ривожлантириб, доривор ва харидоргир эчки сутини қадоқлашни йўлга қўймоқчиман. 

Коллеж битирувчилари “Универсал” ускунасини ишлаш жараёнини ҳам гувоҳи бўлдилар.  

Kun.uz мухбири Элмурод Эрматов, Андижон

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 97709 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 47148 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52070 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9483 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20261 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 970 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 372 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 1504 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 2137 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 933 Жаҳон
Кўпроқ янгиликлар