Япония пойтахти Токио шаҳрида оғир атлетика бўйича ёшлар ўртасида жаҳон чемпионати ўтказилмоқда.

Мусобақада ўзбекистонлик уч нафар спортчи иштирок этмоқда.

Фарҳод Собиров 94 кг. вазнли полвонлар баҳсида жаҳон чемпионлигини қўлга киритди. Спортчи даст кўтаришда аввал 170 кг. тошни ўзига бўйсундирган бўлса, кейинги уринишларда 175 ва 180 кг. натижани қайд этиб, 1-ўринни қўлга киритди.

Силтаб кўтаришда ҳам Собиров биринчи уринишда 200 кг.лик тошни қийинчиликсиз кўтарди. Кейин 206 ва 210 кг. оғирликдаги тошларни кўтариб, умумий 390 кг. натижа билан жаҳон чемпионлигига эришди.