Афғонистоннинг собиқ президенти Ҳамид Карзайнинг маълум қилишича, АҚШ Афғонистонда 16 йил давомида терроризм тарқалишига туртки берган.

РИА Новости’нинг хабар беришича, у бу ҳақда Пекиндаги VI-Бутунжаҳон тинчлик форуми доирасида чиқиш қилиб, маълум қилди.

«АҚШ Афғонистонда бўлган 16 йил давомида экстремизм ва терроризмнинг ўсишини олдини олмади, ҳамда улар қандайдир йўл билан бошқа экстремистик гуруҳ – ИШИДнинг кенгайишига имкон беришди», - дея таъкидлаб ўтди Карзай.

Афғонистон собиқ президентининг қўшимча қилишича, «энг катта бомба» дея аталган GBU-43 бомбасининг қўлланилиши мамлакатдаги террористик таҳдиднинг янада ошишига олиб келган.

«Афсуски, бир неча кундан сўнг ИШИД террорчилик гуруҳи нафақат йўқ қилинмагани, балки аксинча – янада кенг тарқалганининг гувоҳига айландик», - дея маълум қилди у.