Falcon 9 ракета ташувчисининг биринчи поғонаси Болгариянинг BulgariaSat 1 сунъий йўлдошини муқим орбитага олиб чиқиш учун учирилгач, Атлантика океанидаги сузувчи платформага эсон-омон қўндирилди. Парвознинг трансляциясини космик аппаратнинг эгаси SpaceX томонидан олиб борилди, деб хабар беради РИА Новости.

Болгариянинг BulgariaSat 1 сунъий йўлдошини ортиб олган Falcon 9 Канаверал бурнидаги космодромда бугун Тошкент вақти билан 00:10 да парвоз қилди.

9 дақиқадан сўнг унинг биринчи поғонаси ерга қайтиб, Анталтика океанидаги сузувчи платформага тик қўндирилди.

Ракета ташувчининг иккинчи поғонаси 35 дақиқа ичида сунъий йўлдошни оралиқ орбитага қадар олиб чиқди.

NASA билан ўзаро шартнома асосида Халқаро космик станцияга юк парвозларини, шунингдек сунъий йўлдошларни тижорий парвозларини уюштирувчи SpaceX компанияси Falcon 9’нинг дастлабки поғонасини Атлантикадаги сузувчи платформага қўндириб, ракета ташувчи поғоналардан кўп марта фойдаланиш технологиясини синовдан ўтказмоқда. Компаниядагиларнинг ишонишича, биринчи поғонадан қайта фойдаланиш космик парвозларни арзонлаштиради. 

BulgariaSat 1’ни учириш мобайнида шу йилнинг январида Iridium Satellite Communications компаниясига тегишли тижорий сунъий йўлдошни учиришда фойдаланилган, сақлаб қўйилиб, кейинчалик тикланган биринчи поғона қайта ишлатилган.

Статистикага кўра, SpaceX шу пайтгача учирилган Falcon 9 ракеталарининг 12 та биринчи поғонасини сақлаб қўйишга муваффақ бўлган.