АҚШ президенти Дональд Трампнинг қизи Иванка Трамп пойабзал дизайнидан нусха кўчириш иши бўйича судга чақиртирилди. Бу ҳақда 24 июнда Bloomberg ахборот агентлиги хабар бермоқда

Манхэттен туман суди қарорига кўра, Иванка судга октябрь охиригача келиши керак. Унга кўрсатмаларни Нью-Йоркда эмас, балки у ҳозир яшаётган Вашингтонда беришига рухсат берилди.

Иванка номига плагиатда айбловлар 2016 йил баҳорида билдирилган. Aquazzura пойабзал маркаси вакиллари Иванка ўзининг туфлилар қаторини яратишда Aquazzura’нинг пойабзалларидан бирининг дизайнидан нусха кўчирганини айтишган. Гап 780 доллардан қимматроқ турувчи баланд пошнали туфли ҳақида кетмоқда. Aquazzura вакилининг айтишича, Иванка шундай пойабзални анча арзонроққа – 150 долларга яратган.