Олий ҳарбий таълим муассасаларида битирувчиларни кузатишга бағишланган тантанали маросимлар бўлиб ўтди

Ўзбекистон 24 Июнь 2017 10192

Мудофаа вазирлигига қарашли барча олий ҳарбий таълим муассасаларида навбатдаги битирувчиларни Қуролли Кучлар қўшинларига кузатишга бағишланган тантанали маросимлар бўлиб ўтди. Бу ҳақда Кун.uz’га Мудофаа вазирлиги матбуот хизмати хабар берди.

Мудофаа вазирлигига қарашли барча олий ҳарбий таълим муассасалари – Қуролли Кучлар академияси, Чирчиқ олий танк қўмондонлик-муҳандислик билим юрти, Самарқанд олий ҳарбий автомобиль қўмондонлик-муҳандислик билим юрти, Жиззах олий ҳарбий авиация билим юрти, Тошкент ахборот технологиялари университети Махсус факультети, Тошкент тиббиёт академияси ҳузуридаги Ҳарбий тиббиёт факультетида навбатдаги битирув муносабати билан ўтказилган тантанали тадбирларда Мудофаа вазирлиги раҳбарияти, давлат ва жамоат ташкилотлари, Мудофаа вазирлиги ҳузуридаги Жамоатчилик кенгаши вакиллари, ота-оналар иштирок этиб, эгнига офицерлик либосини кийган ўғлонларга юрт тинчлиги, Ватан равнақи, халқ фаровонлиги йўлидаги эзгу ишларда муваффақиятлар тилашди.

Мустақиллик йилларида амалга оширилаётган аниқ чора-тадбирлар туфайли мамлакат офицерлар таркиби ўзининг дунёқараши, билим ва тажрибасини доимий равишда кенгайтириб, юксак касбий малака ва маънавий-ахлоқий фазилатларга, мантиқий фикрлаш қобилиятига эга бўлиб бормоқда ва ўз олдида турган вазифаларни ҳал этишда ностандарт ёндашувларни фаол қўллашга қодир бўлмоқда.

Мудофаа вазирлиги олий ҳарбий таълим муассасаларида 28 мутахассислик бўйича илғор ахборот-коммуникация технологиялари соҳасидаги замонавий ютуқлардан фойдаланган ҳолда ўқув жараёнларига таълимнинг инновацион шакл ва усуллари жорий этилаётгани ҳарбий кадрларни тайёрлаш тизимини энг янги методлар асосида такомиллаштиришда муҳим аҳамият касб этяпти. Бу эса бўлғуси офицерларни Ватанга, миллий истиқлол ғояларига садоқат руҳида тарбиялашга хизмат қилмоқда.

Тантанали тадбирларда эстрада хонандалари ижро этган куй ва қўшиқлар, ҳарбий оркестрлар ҳамда ҳарбий хизматчиларнинг кўргазмали чиқишлари йиғилганларда илиқ таассуротлар қолдирди.   

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 13764 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 67864 Жамият
Кун.uz офис изламоқда
15:48 / 06.08.2017 37016 Lifestyle
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 526 Жаҳон
Саакашвили Украинага қачон қайтишини маълум қилди 
01:15 1034 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 976 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Ўзбекистон Бадиий академияси фаолиятини ривожлантиришга доир қарор қабул қилинди
Кўпроқ янгиликлар