Актёр Жонни Депп президентнинг ўлдирилиши ҳақидаги ҳазили учун узр сўради, деб хабар бермоқда People журнали.

Депп нашр учун берган баёнотида ҳазилини “одобсизлик” дея баҳолади. “Ҳаммаси мен режалаштиргандек бўлмади, мен ёмон ниятни назарда тутмагандим”, - деди у.

Аввалроқ актёр Дональд Трампнинг Буюк Британияга ташрифи республикачи ҳаётининг сўнгги лаҳзалари бўлиши мумкинлигини айтиб ҳазиллашганди. У Гланстонберидаги мусиқий фестивалда сўзлаган нутқида шундай фикрни билдирган. "Қачон охирги марта актёр президент ҳаётига суиқасд қилганди?" - дея савол билан юзланган Депп йиғилганларга.

Кейинчалик эса Трампнинг ўзи Жонни Деппнинг ҳазилидан хафа бўлганини айтиб, зўравонликнинг ҳар қандай кўринишини қоралашини таъкидлади.

Жонни Депп: "Қачон охирги марта актёр президент жонига суиқасд қилганди?"

Дональд Трамп Жонни Деппнинг ҳазилидан хафа бўлди