«Барселона» жамоаси матбуот хизмати Лионель Мессининг клуб академиясида тўп сурган пайтларини видеолавҳа тарзда ўз “твиттер”ига жойлаштирди. Бугун аргентиналик футболчи 30 ёшни қаршилади.

Месси илк бор «Барселона» таркибида 2004 йилда майдонга тушган эди. Ўшанда ҳужумчи 17 га кирарди. Шу бугунга қадар у жамоаси билан бирга саккиз бор Испания чемпионлигини, беш бор мамлакат кубоги ва олти бор Суперкубокни қўлга киритган. Халқаро мусобақаларда эса тўрт марта Чемпионлар Лигаси, уч марта УЕФА Суперкубоги ва клублар ўртасида жаҳон чемпиони ғолиблигига эришган. Бундан ташқари, Месси беш марта “Олтин тўп” соҳибига айланган.