25 июнь эрталаб Қоҳирадаги Гиза ҳайвонот боғи ҳудудида йирик ёнғин содир бўлди, деб хабар бермоқда Al-Arabiya телеканали. Ёнғин ҳайвонот боғидаги ёғоч будкада чиққан, сўнгра дарахтларга ўтган.  

Ёнғин оқибатида ҳайвонлар жабрланмаган, уларни эвакуация қилишга ҳожат бўлмаган. 

Ҳайвонот боғи 1891 йилда очилган бўлиб, у маҳаллий аҳоли ва сайёҳларнинг севимли масканларидан бири ҳисобланади. Ҳайвонот боғи анъанавий равишда Ийд ал-Фитр байрамида одамлар билан гавжум бўлади.