Украина президенти Пётр Порошенконинг маълум қилишича, Франция президенти Эммануэль Макрон билан Донбассдаги можарони “норманд шаклида” ҳал этиш бўйича лойиҳа тайёрланади. У “Макрон формуласи” деб ном олиши мумкин.

"Бизнинг келишув шундан иборатки, биз “норманд шакли”нинг барча эҳтимолий қарорлари лойиҳасини қоғозга туширамиз, улар, эҳтимол, “Макрон формуласи” деган ном олади. Биз бугун жамиятга Украина шарқига тинчлик олиб келиш бўйича режани тақдим этишимиз мумкин", - деди Порошенко Парижда Франция президенти билан учрашувдан сўнг ташкил этилган матбуот анжуманида.