Россия Ан-148 яқин магистралли самолётини ишлаб чиқаришни тўхтатади. Бу Воронеж авиақурилиш бирлашмасида сўнгги иккита машинани қуриш якунлангач, рўй беради, деб хабар қилди Россия авиация соҳасидаги манба журналистларга.

Аввалроқ Украинанинг КБ Антонов расмий вакили Россиядан етказиб берилган эҳтиёт қисмларни харид қилишни тўла тўхтатгани ҳақида хабар берганди.

"Воронежда тайёрланган Ан-148га катта қизиқиш бор эди. Қизиқиш фуқаролик авиакомпаниялари ҳамда мудофаа вазирлиги томонидан билдирилган. Афсуски, сиёсат онгдан кучлироқ чиқди. Воронежда сўнгги машиналар ишлаб чиқарилиши якунланмоқда", - деган манба.

Ан-148 – яқин магистралли йўловчи самолёти бўлиб, оралиқ қўнишларсиз 2-5 минг километр масофага парвозни амалга ошириши мумкин.