Россия президенти Владимир Путин ва шоир Александр Пушкин тарихдаги энг таниқли шахслар рейтингида иккинчи ўринни бўлишиб олишди. Бу ҳақда «Известия» «Левада-Марказ» сўровига асосан хабар бермоқда.

Тадқиқотга кўра, 34 фоиз руслар Путин ва Пушкинни энг обрўли тарихий шахслар, деб ҳисоблашган.

Биринчи ўринга эса советлар етакчиси Иосиф Сталин лойиқ топилди – 38 фоиз овоз. Кучли учликка Владимир Ленин (32 фоиз) якун ясаб берган.

Рўйхатдаги топ-10ликка император Пётр I (29 фоиз), фазогир Юрий Гагарин (20 фоиз), ёзувчи Лев Толстой (12 фоиз), қўмондон Георгий Жуков (12 фоиз), император аёл Екатерина II (11 фоиз) ва шоир Михаил Лермонтов (11 фоиз) кирди.

Таъкидланишича, топ-20га Михаил Горбачёв якун ясаб берган. Физик Исаак Ньютон, қўмондон Михаил Кутузов, шоир Сергей Есенин ва физик Альберт Эйнштейн 7 фоиздан овозларни олишган.