Мессенжерларда шифрлашнинг кучсизлантирилиши мамлакат миллий хавфсизлигига раҳна солади ва нафақат террорчилар, балки барча фойдаланувчиларга зарба бўлиб тушади. Шу билан бирга, терактлар таҳдиди йўқ бўлмайди, дея маълум қилди Telegram асосчиси Павел Дуров "ВКонтакте" ижтимоий тармоғидаги саҳифасида.

Дуров: Telegram’нинг тўсиб қўйилиши террорчиларга муаммо келтириб чиқармайди

"Telegram ёки WhatsApp каби коммуникация воситалари фақатгина эҳтимолий террорчилар учун хавфсиз бўла олмайди. Бундай сервисларни шифрлаш барча фойдаланувчиларни бирдек ҳимоя қилади, ёки уларга зарба бўлиб тушади. Алоҳида олинган давлатдаги охирги шифрлаш ўн миллионлаб кишиларни хакерлар ҳужуми ва коррупцияга боши билан шўнғиган амалдорларнинг шантаж қилишидан ҳимоясиз қилиб қўяди", - дея ёзди Дуров.

Telegram асосчисининг маълум қилишича, барча мессенжерларда шифрлашни кучсизлантириш мамлакатнинг миллий хавфсизлигига раҳна солади ва уни терактлар халос эта олмайди. "Бундай ҳолатда хорижий махсус хизматлар Россия фуқароларининг барча ёзишмаларини олиши мумкин бўлади. Шу билан бирга, терактлар хавфи йўқолмайди – Париждаги воқеалардан кўриш мумкинки, терактни амалга ошириш учун бир марта ишлатиладиган телефон ва ҳеч қандай шифрлашсиз оддий СМС кифоя қилади", - дея таъкидлаб ўтди у.

Шунингдек, Дуров Санкт-Петербургдаги терактга тайёргарлик кўришда Telegram’дан фойдаланишгани борасидаги маълумотларга гумон билан қарашини билдирди.