Сурия президенти Башар Асад Россия ҲККнинг Латақия вилояти Хмеймимдаги базасига борди, деб хабар бермоқда SANA агентлиги.

Агентлик маълумотига кўра, давлат раҳбарини авиабазада Россия Қуролли кучлари бош штаби бошлиғи Валерий Герасимов ва бошқа юқори мансабли ҳарбийлар кутиб олган.

Асадга база бўйлаб экскурсия доирасида учувчилар ва база ходимлари, шунингдек, бу ердаги Россия қуроллари кўрсатилган.

Бу Москва Сурияда амалиёт бошлагандан бери Асаднинг Россия авиабазаси ҳудудига илк бора келишидир.