2017 йилнинг 1 февраль куни Гулчеҳра Махсудова Нормўминовна Мирзо Улуғбек тумани ҳудудида, фуқаро Ҳотамов Воҳиднинг (жабрланувчининг анкета маълумотлари ўзгартирилган) ишончига кириб, унга “Ласетти-2” русумли автоуловни кредит маблағи ҳисобидан олишга ёрдам беришини ваъда қилиб, алдов йўли билан 2.500 АҚШ доллари миқдоридаги пулларни қўлга киритган. Бу ҳақда пойтахт ИИББ хабар берди.

Мазкур ҳолат юзасидан Мирзо Улуғбек тумани ИИБ ҳузуридаги Тергов бўлими томонидан Ўзбекистон Республикаси ЖКнинг 168-моддаси 1-қисми (фирибгарлик, яъни ўзганинг мулкини алдаш ва ишончни суиистеъмол қилиш йўли билан қўлга киритиш) аломатлари билан жиноят иши қўзғатилган. 

Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда. 

Юқоридаги шахсларнинг хатти-ҳаракатидан жабр кўрганлар бўлса, «102» телефон рақамига ёки яқин атрофдаги ички ишлар органларига мурожаат этишлари мумкин.