Лионель Месси Диего Марадонани ўзининг никоҳ тўйига таклиф этмаган. Бу ҳақда Mundo Deportivo хабар тарқатди.

Бундан аввалроқ Месси «Барселона»нинг собиқ бош мураббийи Луис Энрике ҳамда клуб президенти Хосеп Мария Бартомеуни ҳам тўйига айтмагани ҳақида хабар берилганди.

Марадона ва Месси «альбиселесте»да 2008 йилдан 2010 йилгача ҳамкорлик қилган, бу йилларда Марадона терма жамоани бошқарганди. Месси Аргентина футболида Марадонанинг издоши сифатида қаралади.

Мессининг никоҳ тўйи маросими 30 июнь куни Аргентинанинг Росарио шаҳрида бўлиб ўтиши белгиланган. Футболчи ўзининг икки фарзанди онаси Антонелла Роккуццога уйланади.