Украина ҳукуматининг барча компьютерлари хакерлик ҳужумига учради. Бу ҳақда мамлакат бош вазири ўринбосари Павел Розенко Facebook’даги саҳифасида хабар берди.

Бундан ташқари, Украина Миллий банки мамлакат молия муассасалари, шунингдек, қатор тижорий ва давлат сектори корхоналарига номаълум вирус орқали ташқи хакерлик ҳужуми уюштирилганини маълум қилди.

Интерфакс-Украина’нинг хабар беришича, кенг кўламли киберҳужум Киев метрополитени, “Киевэнерго” ва “Укрэнерго” ҳамда бошқа корхоналарга ҳам қилинган.