«O‘zagroeksport» rahbari navbatdagi videoselektorda ishdan olindi

O‘zbekiston prezidenti Shavkat Mirziyoyev eksport rejalari bo‘yicha videoselektor o‘tkazdi.

«Kun.uz» manbasi ma'lumotiga ko‘ra, yig‘ilishda barcha sharoitlar yaratilganiga qaramay «O‘zagroeksport» eksport rejasini bajarmagani qayd etilgan va kompaniya direktori Jamshid Xolmuhammedov Abduhakimovich lavozimidan ozod etilgan.

«O‘zagroeksport» maxsus tashqi savdo kompaniyasi 2016 yilning aprelida Islom Karimov qarori bilan «O‘zbekoziqovqatxolding» xolding kompaniyasi tarkibida tuzilgandi. Kompaniya yangi tuzilgan va qayta ishlangan meva-sabzavot mahsulotlari eksporti bilan shug‘ullanadi.

«O‘zagroeksport» 2017 yilning birinchi choragida 101,8 ming tonna meva va sabzavotni eksport qilgandi.