Японияда янги можаро: мудофаа вазири истеъфога чиқиши мумкин

Жаҳон 28 Июнь 2017 4560
Фото: AFP 2017 / Toru Yamanaka

Японияда мамлакат мудофаа вазири Томоми Инада билан боғлиқ можаро авж олмоқда. У Токио қонунчилик ассамблеясига сайловларда ўз партиясидан бўлган номзодга овоз беришга чақирган.

Сешанба куни кечқурун вазир Токио қонунчилик ассамблеясига ҳукмрон Либерал-демократик партиядан номзодни қўллаб-қувватлаш мақсадида ташкил этилган сайловолди йиғилишида иштирок этди. У ўз чиқиши давомида ўзини-ўзи мудофаа қилиш кучлари, мудофаа вазирлиги ва вазир сифатида ўз номидан сайловчиларни ЛДП номзодига овоз беришга чақирди.

"Мудофаа ва ўзини-ўзи мудофаа қилиш кучлари вазирлиги, мудофаа вазири ва Либерал-демократик партия номидан сизлардан буни сўрайман", - деди вазир.

Қонунга кўра, Япония ўзини-ўзи мудофаа қилиш кучлари, худди бошқа давлат хизматлари каби, сиёсий фаолият олиб бориши мумкин эмас. Инаданинг баёноти эса мухолифат томонидан қонунни қўпол тарзда бузиш, деб баҳоланди. Кейинчалик у журналистлар олдида чиқиш қилиб, узр сўради ва ўз сўзларидан воз кечганини айтди. Унинг маълум қилишича, “нафақат армия, балки исталган давлат идорасининг нейтрал позицияси табиий ҳолатдир”.

Инада ўз партиядошлари томонидан ҳам қаттиқ танқид остига олинди. Келаётган якшанба куни Токиода қонунчилик ассамблеясига сайловлар бўлиб ўтади. Сайловолди кампанияси икки асосий куч – ҳукмрон ЛДП ва Токио ҳокими томонидан ташкил этилган “Токиоликлар – ҳаммасидан устун” партиялари ўртасида бўлиб ўтмоқда. 

Маълумот учун, Томоми Инада – Япония тарихида мудофаа вазири лавозимини эгаллаган иккинчи аёл кишидир.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 14340 Lifestyle
KUN.UZ Тошкент вилоятига ташриф буюради. Савол ва таклифлар қабул қилинмоқда
00:08 / 20.08.2017 11517 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 47003 Жамият
Kun.uz Сирдарё ҳокими билан учрашади. Аҳолидан саволлар қабул қилинади
18:40 / 16.08.2017 8374 Ўзбекистон
«Ўзбекистон 24» телеканали раҳбари ўзгарди
«GM Uzbekistan»нинг Асакадаги заводи ўз ишини вақтинчалик тўхтатади
Хайрулла Нуриддинов 3 кун ўтиб яна МТРК раиси ўринбосарлигига қайтди
Умумхалқ ҳашари доирасидаги хайрия тадбирларига 5,3 миллиард сўмдан зиёд маблағ сарфланди
16:45 295 Жамият
Макка шаҳридаги меҳмонхоналардан бирида ёнғин чиқди
16:40 1582 Жаҳон
Машҳур раҳбар бўлиш учун нималарга эътибор бериш ҳақида: 5 машҳур афсонага раддия
16:35 1803 Lifestyle
Кўпроқ янгиликлар