Австралия жанубида енгил моторли самолёт фалокатга учраши оқибатида 3 киши ҳалок бўлди. Бу ҳақда полицияга иқтибос келтирган ҳолда Sky News Australia телеканали хабар берди

Полицияда маълум қилинишича, Tobago русумидаги самолёт Жанубий Австралия штатидаги Mount Gambier аэропорти яқинида қулаган. Воқеа жойига фавқулодда хизматлар етиб келган. Самолёт фалокатга учрашининг сабаблари ҳали номаълум. 

9News телеканалининг маълум қилишича, самолёт аэропортдан 5 км узоқликда Гамбиер тоғида фалокатга учраган. Воқеа 28 июнь куни маҳаллий вақт билан соат 10:30 ларда юз берган.