Германияда дунёдаги илк горизонтал ҳаракатланувчи лифт синовдан ўтказилди

Технология 28 Июнь 2017 11552
Фото: OVG Real Estate

ThyssenKrupp немис компанияси Multi деб номланган янги лифт тизимини синовдан муваффақиятли ўтказганини маълум қилди. Лифт шуниси билан ўзига хоски, у ҳам вертикал, ҳам горизонтал йўналишда ҳаракатлана олади.

Лифтни ўрнатиш ва ишга тушириш ThyssenKrupp’нинг Ротвайл шаҳридаги заводида жойлашган синов минорасида ўтказилди. Бу лифт технологияси қўлланадиган биринчи иншоот Берлинда қурилаётган East Side Tower биноси бўлади. 246 метрлик бинодаги 12 та лифт шахтасидан 3 таси Multi тизимига ажратилади. Бино қурилишини 2017 йилда якунлаш режалаштирилган.

Multi концепти 2014 йилдаёқ ишлаб чиқилган. Лифт ҳалқаланган тизим кўринишида лойиҳаланган бўлиб, унда лифт кабиналари жамоат транспортидек муайян йўналиш бўйича ҳаракатланади. Кабиналар магнит рельслар ёрдамида ҳаракатланади. Бу лифтни вертикал ва горизонтал йўналишда ҳаракатлантириш учун тросларни қўллашдан воз кечишга имкон берди.

Multi вақт ва энергия истеъмолини самарали бошқариш учун симсиз компьютер тизимидан фойдаланади. Бу тизим экологик тоза ва лифтдан фойдаланувчиларнинг вақтини тежайди. 

Лойиҳа муаллифларининг айтишича, ушбу инновация лифтни кутиш вақтини қисқартиришга қаратилган. Уларнинг фикрича, Нью-Йорк марказида ишчилар лифтни кутиб йилига умумий ҳисобда 17 йил ва унинг кабинасида яна 6 йилни ўтказишади. Multi’ни кутиш вақти бинонинг ўлчамидан қатъий назар, 15-30 сонияни ташкил қилади.   

Лифтнинг бир нечта шахтасидан бир йўла фойдаланиш ва кабиналарни горизонтал ҳолатда ҳаракатлантириш имконияти архитекторларни биноларни ягона вертикал ўқ атрофида қуриш заруратидан халос этади. Бу эса бинонинг максимал баландлигига чекловларни бекор қилади ва архитектуравий ва қурилиш тажрибаларини ўтказишга кўпроқ имкон беради.

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 53115 Жамият
Олти йил фалажликда: фарғоналик она қисмати аслида қандай бўлган эди?
15:46 / 15.08.2017 65371 Жамият
Президентнинг тўйлар ҳақидаги сўзлари яна нотўғри талқин қилинди
15:15 / 15.08.2017 160816 Жамият
Тошкентдаги янги халқаро мактаб ва болалар боғчасига қабул эълон қилинди
11:17 / 15.08.2017 26780 Жамият
Самарқандда Ислом Каримов ҳайкали ўрнатилди
Самарқандда ногиронлик нафақасига чиқариш учун 300 доллар сўраган шифокор ўз уйида қўлга олинди
Бизнес-омбудсман президент девонида жойлаштирилади
Араблараро урушлар: замонавий дунёда араб мамлакатлари ўртасида бўлиб ўтган бешта йирик қуролли тўқнашув
18:09 336 Жаҳон
Кун фотоси: Озодбек Назарбеков Бишкекдаги ҳукуматлараро комиссияси мажлисида
Парвоз хавфсизлигини бузганлик учун жарималар қайта кўриб чиқилади
Кўпроқ янгиликлар