JICA ва Соғлиқни сақлаш вазирлиги янги лойиҳага қўл уришди

Ўзбекистон 28 Июнь 2017 3474

Япония халқаро ҳамкорлик агентлиги (JICA) ва Ўзбекистон Республикаси соғлиқни сақлаш вазирлиги 28 июнь куни «Юқумли бўлмаган касалликлар (ЮБК)ни профилактика ва назорат қилиш» техник ҳамкорлик лойиҳаси бўйича фикрлашув баённомасини имзолашди, дея хабар бермоқда UzDaily.

Ушбу ҳужжатнинг имзоланиши JICA’нинг 2017–2021 йилларда Ўзбекистонда янги лойиҳани ишга туширишини англатади. Мулоқотлар якунига кўра, икки томон Жамоатчилик саломатлиги ва соғлиқни сақлашни ташкил этиш илмий-тадқиқот институти JICA билан ҳамкорликда амалга ошириладиган лойиҳани ташкиллаштириш учун масъул этиб белгиланганига келишишди.

Қайд этиш жоизки, лойиҳани амалга ошириш 2017–2021 йилларда Ўзбекистон Республикасини ривожлантиришнинг беш устувор йўналишлари бўйича Ҳаракатлар стратегиясига, хусусан, фуқаролар соғлиғини ҳимоя қилиш тизимини такомиллаштириш ва аҳолининг соғлом турмуш тарзини шакллантиришни қамраб олган 4 устувор йўналишга тўлиқ мос келади.

Кутилишича, «Юқумли бўлмаган касалликларни профилактика ва назорат қилиш» техник ҳамкорлик лойиҳаси Соғлиқни сақлаш вазирлигининг лойиҳанинг мақсадли ҳудудларда, хусусан, республикамизнинг Тошкент ва Навоий вилоятларида юқумсиз (кўпроқ, юрак-қон томир ва диабет) касалликлар хавфи омиллари кўрсаткичларини пасайтириш борасидаги саъй-ҳаракатларига кўмак беради. 

Шу билан бир қаторда, лойиҳанинг мақсадли ҳудудларида юқумли бўлмаган касалликларнинг баъзи кўринишларига қарши курашишда пировард натижада сурункали ЮБК юкини баҳолаш ва дастлабки звено тиббиёт муассасалари даражасида соғлиқни сақлаш тизими эътиборини қаратиш учун маълумотларни самарали тўплаш, таҳлил қилиш, қайта ишлаш ва тақсимлаш ишларини амалга ошириш воситасида лойиҳа келгусида Соғлиқни сақлаш вазирлиги ва Жамоатчилик саломатлиги ва соғлиқни сақлашни ташкил этиш илмий-тадқиқот институти филиаллари салоҳиятини оширишга ўз ҳиссасини қўшади. 

Шунингдек, лойиҳа доирасида аҳолининг соғлом турмуш тарзини шакллантириш ва тиббий кўрикдан ўтказиш бўйича мавжуд услубий материалларни танқидий жиҳатдан кўздан кечириш бўйича ишлар ҳамда жойлардаги мутахассислар ва тиббиёт ходимларини Японияда ва Ўзбекистонда малакасини ошириш чоралари амалга оширилади. Бундай курсларни ташкиллаштириш жойлардаги тиббий хизматлар кўрсатиш тизимини такомиллаштириш ва кундалик ҳаётда ўз саломатлиги ҳақида яхшироқ қайғуриш борасида сурункали юқумли бўлмаган касалликларга чалинган инсонларга ёрдам бериш учун ЮБКни профилактика қилишга йўналтирилган бўлади. 

Бутунжаҳон соғлиқни сақлаш ташкилотига кўра, ЮБК сайёра аҳолисининг саломатлиги ва умумбашарий ривожланишга жиддий хавф солиб келмоқда. Касалликларни бу тоифасига қуйидагилар киради: юрак-қонтомир касалликлари, онкологик касалликлар, диабет, ортиқча вазн тўплаш, нафас йўлларининг сурункали касалликлари, таянч-ҳаракатланиш тизими касалликлари ва руҳий касалликлар. Статистикага кўра, ЮБКнинг бу кўринишлари жаҳон миқёсида инсонлар ўлимининг энг кенг тарқалган сабаблари ҳисобланади.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20371 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49455 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 1836 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 902 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 2361 Жаҳон
Хитой хорижий инвестицияларга чеклов жорий қилди
23:08 / 21.08.2017 1574 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 2467 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 2697 Технология
Лотин алифбосидан кимлар қўрқади?
22:45 / 21.08.2017 3923 Жамият
Президент 2017 йилда ғўза дефолиациясини ўз вақтида ва самарали ўтказишга доир қарорни имзолади
22:37 / 21.08.2017 3756 Ўзбекистон
Кўпроқ янгиликлар