«Наполи» жамоаси ва Аргентина терма жамоаси собиқ ҳужумчиси Диего Марадонага Неаполь шаҳри фахрий фуқароси унвони берилади. Бу ҳақда RT хабар берган.

Тантанали маросим Неаполнинг энг катта майдони - Пьяцца-дель-Плебишитода 5 июль куни бўлиб ўтади, деб маълум қилди ANSA.

Марадона «Наполи»да 1984-1991 йиллар давомида ўйнаган. У жамоа таркибида 259 учрашув ўтказди ва 115 гол урди. Аргентиналик «Наполи» билан бирга Италияда икки карра чемпионга айланган, шунингдек, УЕФА кубоги ва Италия кубоги, ҳамда мамлакат суперкубогини қўлга киритган.