«Сирдарёлик фермерлар президентнинг юксак ишончи туфайли буғдой режасини бажарди» — Вилоят ҳокими

Ўзбекистон 28 Июнь 2017 15248

Сирдарёлик ғаллакорлар жорий мавсумда 88 минг гектар ерга ғалла уруғи қадаб, 25 иш кунида 170250 тонна сара дон етиштиришди. Давлат шартномавий режаси 101 фоизга бажарилиб, ҳосилдорлик 50 центнерни ташкил этди. Бу ҳақда вилоят ҳокими Ғофуржон Мирзаев маълумот берган.

"Муҳтарам Юртбошимизнинг вилоятимизга ташрифлари  давомида фермерларга берган маслаҳат ва қимматли тавсиялари ҳамда ҳукуматимиз томонидан Қорақалпоғистон Республикаси ва Хоразм вилоятидан ўрим комбайнлари келтирилгани  фермерларимиз эришган натижаларга асос бўлди.

Ўзбекистон Республикаси Президентининг  2017 йил 18 майдаги  “2017 йил бошоқли дон экинлари ҳосилини йиғиштириб олиш бўйича ташкилий чора-тадбирлар тўғрисида”ги ПҚ-2974-сонли қарорида белгилаб берилган устувор йўналишлар эса 3842 та фермер хўжалигига ишни тўғри ташкил этиш имконини берди.

Ғалла ҳосилини етиштириш ва давлатга сотишда Боёвут, Сирдарё, Сайхунобод ва Оқолтин туманлари деҳқонлари алоҳида фаоллик кўрсатиб, биринчилардан бўлиб шартномавий режаларини уддаладилар.

Хусусан, юқори ҳосилдорликка эришган Боёвут туманидаги “Шойзоқ ота”, “Янги аср” фермер хўжаликларида  ҳосилдорик 80 центнерни ташкил этди.  Режа эса 125 фоизга уддаланди. “Абдумавлон Дониёров” фермер хўжалиги ғаллакорлари ҳар гектар майдондан  78 центнердан хирмон кўтариб, режани 124 фоизга етказдилар. Сирдарё туманидаги “Ихтиёр” фермер хўжалиги деҳқонлари ҳосилдорликни 75 центнерга етказиб, режани 115 фоизга, “Эргаш Эшонқулов” фермер хўжалиги 72 центнердан ҳосил йиғиб олиб, режани 116 фоиз, Сайхунобод туманидаги “Чучук сув бўйи” фермер хўжалиги жамоаси 75 центнерлик маррани эгаллаб, режани 120 фоиз, “Нурмурод ўғли Илёс” фермер хўжалиги ҳосилдорликни 70 центнерга етказиб, режани 123 фоизга бажардилар.

Саид Аҳмедов,  Отамурод Жўратоев, Ўткир Ботиров, Оризимурод Ниятов сингари комбайн операторлари  эса кунига 100-120 тоннадан ғалла ўриб, давлат шартнома режасини бажаришга муносиб ҳисса қўшдилар.

Айни пайтда фидойи фермерларимиз ва барча сирдарёликлар муҳтарам Юртбошимизнинг халқ фаровонлиги йўлида олиб бораётган одилона сиёсати ҳамда аграр соҳадаги кенг кўламли ислоҳотларини амалда қўллаб-қувватлаш мақсадида, ғалла ҳосилдорлигини 55 центнерга етказиш учун барча имкониятларни ишга солганлар", дейилган ҳокимнинг ҳокимлик сайтида келтирилган баёнотида.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 16918 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 69189 Жамият
Кун.uz офис изламоқда
15:48 / 06.08.2017 37526 Lifestyle
"Реал" Испания Суперкубоги соҳиби!
04:08 6808 Спорт
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 2586 Жаҳон
Саакашвили Украинага қачон қайтишини маълум қилди 
01:15 3256 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 3029 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Кўпроқ янгиликлар