Пентагон: Кремль АҚШ Россиядаги режимни ўзгартириш ҳаракатида эканига ишончи комил

Жаҳон 29 Июнь 2017 8172

Кремль АҚШ Россияда режимни ўзгартириш ниятида эканига ишончи комил. АҚШ Мудофаа вазирлиги разведка бошқармаси ҳисоботи муаллифлари шундай хулосага келишган, деб хабар бермоқда AP ҳужжатга асосан. Америка махсус хизматлари фикрича, Россия ҳукуматининг хавотири Москва ва Вашингтон ўртасида “ҳарбий рақобат ва кескинликни таъминлаб турибди”.

Пентагон ҳисоботида айтилишича, Россия АҚШнинг бутун дунёда демократияни илгари суриш ҳаракатларига ишончсизлик билан муносабатда, буни “ягона қадриятларни бошқаларга мажбурлаб сингдириш” деб қабул қилмоқда. “Кремлдагилар АҚШ Россияда режимни ўзгартириш учун асос қўяётганига ишонмоқда; Украинадаги ҳодисалар ҳам бунга туртки берди”, - дейишган ҳисобот муаллифлари. Улар ўз хулосаларига Россия ҳукуматининг, айнан АҚШ 2014 йилда Украина президенти Виктор Янукович лавозимидан кетишга мажбур бўлган “халқ исёни”га туртки бергани борасидаги сўзларидан келиб чиқишган.

AP’нинг таъкидлашича, “Россия ҳарбий давлати” номи остидаги ҳужжат Америка разведкаси сўнгги йигирма йил ичида икки давлат муносабатларига баҳо беришга ҳаракат қилган илк ҳисобот бўлди. “Москва АҚШнинг халқаро қабул қилинувчи нормаларни илгари сураётгани Кремль ҳукумати асосларига таҳдид солаётгани, Россия ички ишларига хорижий аралашув учун ҳуқуқ беришидан хавфсирамоқда”, - дейилади ҳисоботда.

Ҳужжатга сўзбоши ёзган DIA директори, генерал-лейтенант Винсент Стюартнинг билдиришича, Россия келаётган ўн йил давомида жаҳон аренасида ўз позициясини мустаҳкамлаши мумкин. DIA раҳбарининг тахминича, совуқ урушга ўхшаш бўлган глобал мафкуравий кураш авж олиши мумкин, Москва унинг доирасида “барқарорликни ўз шартларида таъминлаш учун қуролли кучлардан фойдаланиши эҳтимолга яқин”.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 20298 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 70900 Жамият
Кун.uz офис изламоқда
15:48 / 06.08.2017 37972 Lifestyle
Саудия Арабистонида ҳукмрон оиладан бўлган яна бир шаҳзода вафот этди
08:46 25 Жаҳон
Германияда уруш давридаги бомба туфайли 10 мингдан ортиқ киши эвакуация қилинди
08:32 324 Жаҳон
Венесуэладаги турмада юз берган тўқнашувлар оқибатида кўплаб маҳбуслар ҳалок бўлди
08:25 495 Жаҳон
Саудия Арабистони ҳаж вақтига зиёратчилар учун Қатар билан чегарасини очади 
08:16 760 Жаҳон
Ирландия Apple’дан 13 млрд евро миқдоридаги солиқларни талаб қилмоқчи эмас
Ливанда номусга текканлик учун жазо ўрнига ўз қурбонига уйланишга ижозат берувчи қонун бекор қилинди
08:05 1297 Жаҳон
Британиянинг энг катта ҳарбий кемаси хизмат ўташ жойига келди
07:49 2070 Жаҳон
Кўпроқ янгиликлар