Президент ИИВ академиясига Хитой жамоат хавфсизлиги университетини намуна қилиб кўрсатди

Ўзбекистон 29 Июнь 2017 13700

Ўзбекистон Президенти Шавкат Мирзиёев Тошкентнинг Мирзо Улуғбек туманига ташрифи давомида Ички ишлар вазирлиги академиясида бўлди. 

Президентга 2017—2021 йилларда ИИВ академиясини ривожлантиришнинг бешта устувор йўналиши бўйича лойиҳалар тақдим этилди. Булар профессор-ўқитувчилар таркибини шакллантириш, таълим жараёнини ташкил этиш ва номзодларни таълимга мақсадли тайёрлаш, ходимлар малакасини ва соҳавий хизматлар фаолиятини яхшилаш, янги инновацион таъминот бўйича фонд ташкил этиш ва моддий-техник базани мустаҳкамлашдан иборат.

«Ўзбекистон» телеканали «Ахборот» дастурида айтилишича, академия фаолияти билан танишиш давомида Шавкат Мирзиёев соҳада юқори малакали, профессионал кадрлар тайёрлашни йўлга қўйиш, шахсий таркибнинг касб маҳорати, маънавий-маърифий, ҳуқуқий билимини пухта шакллантириш борасида тегишли кўрсатмалар берди.

«Номлар бор, шароитлар бор, аммо билимлар йўқ. Стратегия йўқ», — дейилади репортажда.

«Ҳозирда академиядаги таҳсил одатдаги университетдаги таҳсилдан фарқ қилмаяпти. Шунинг учун қисқа муддат ичида ИИВ академияси бутунлай янги ўқув муассасасига ўтиши керак», — деган президент. Шавкат Мирзиёев бу ўринда Хитой жамоат хавфсизлиги университетини намуна қилиб келтирган.

У яна бир муаммо сифатида — тил бўйича тўсиқни келтириб ўтган. Президент академия базасида хитой ва рус тилларини ўқитиш курслари очишга кўрсатма берди.

Президент ҳар бир вилоятдаги коллежларда ички ишлар сержантлари ва мутахассисларини тайёрлаш бўйича махсус синфлар ташкил этиш зарурлигини қайд этиб ўтди. Ўқувлар сентябрданоқ бошланиши лозим. Умумий билимлар ўз жойида олинади, махсуслари эса ИИВ Академиясида ўқитилади, деб хабар берди дастур.

Шавкат Мирзиёев Мирзо Улуғбек тумани ички ишлар бошқармаси 8-шаҳар ички ишлар бўлими фаолияти билан ҳам танишди. Президент Ички ишлар идораларини халққа яқинлаштириш тинч ва осуда ҳаётни таъминлашга хизмат қилишини таъкидлади.

Шу ерда «Автокон» — автомашиналарнинг давлат рақамларини автоматик аниқлаш ва қоидабузарликларни қайд этиш махсус аппаратининг тақдимоти ўтказилди. Йўл ҳаракати инспектори машинасига ўрнатиладиган ушбу махсус қурилма қоидабузарлик содир этиб, жарима тўламай юрган транспорт воситаларини бевосита ҳаракат жараёнида аниқлаш имконини беради.

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 9710 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 45156 Ўзбекистон
Кун.uz офис изламоқда
15:48 / 06.08.2017 40796 Lifestyle
Бухоро вилоят ҳокими ичимлик суви ва бозорлардаги гўшт таъминоти юзасидан баёнот берди
17 ёшли онанинг 2 ёшли боласини машинада қолдириши ҳалокатли якун топди
Ўқишга кира олмадингизми? Ташвишланманг, талаба бўлишингиз мумкин 
16:32 2513 Жамият
Етакчи брендлар Франкфуртдаги мотор-шоуда қатнашишдан воз кечишди
16:08 498 Жамият
Конте ва «Челси» раҳбарияти ўртасидаги тушунмовчилик тафсилотлари маълум қилинди
16:03 1516 Спорт
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 3541 Жамият
"Одноклассники" кайфият улашувчи сервисини ишга туширди
Кўпроқ янгиликлар