АҚШнинг Калифорния штатида "Тарихдаги профиллар" аукцион уйида 28 июнда ўтган савдолар вақтида "Юлдузлар жанги" фильмидаги R2-D2 дроиди 2,76 млн долларга сотилди.

Афсонавий роботнинг эгаси ким бўлгани сир бўлиб қолган, бироқ ушбу лот аукциондаги энг қимматбаҳоси бўлган.

Сотувга қўйилган лотлар орасида шунингдек фильм бош қаҳрамони, жедай Люк Скайуокернинг нурланувчи қиличи ва Дарт Вейдернинг шлеми бўлган. Қилич 450 минг долларга, шлем эса 96 минг долларга сотилган.

Сотувга шунингдек коинот ҳақидаги бошқа фильмлар ва сериалларда учровчи буюмлар ҳам қўйилган.

"Battlestar Galactica" ва "Buck Rogers" сериалларидаги 23 та кемадан иборат коллекция 1,8 млн долларга, марҳум актёр Билл Пакстон "Ўзгалар" фильмида кийиб юрган шлем эса 51 минг долларга сотилган.