Ўзбекистон ҳукумати озиқ-овқат маҳсулотлари нархини назорат қилади

Ўзбекистон 29 Июнь 2017 41228

Ўзбекистонда мамлакат Бош вазири раҳбарлигида асосий маҳсулотлар нархини мониторинг ва назорат қилиш бўйича Республика комиссияси ташкил этилади. Бу ҳақда Uznews.uz хабар берди.

Президент Шавкат Мирзиёевнинг 23 июндаги “Республика аҳолисини ижтимоий аҳамиятга эга асосий озиқ-овқат товарлари билан ишончли таъминлаш бўйича кечиктириб бўлмайдиган чоралар тўғрисида”ги қарорида шу ҳақда сўз юритилади.

Ҳужжатга кўра, Ўзбекистонда мамлакат Бош вазири А.Арипов бошчилигида ижтимоий аҳамиятга эга асосий озиқ-овқат товарлари нархларини мониторинг ва назорат қилиш бўйича Республика ҳамда ҳудудий комиссиялари ташкил этилади.

Бундан ташқари, ички истеъмол бозорида нархларни барқарорлаштиришга кўмак бериш Фондини ташкил этиш режалаштирилган.

Ушбу Фонд маблағлари ички бозордаги озиқ-овқат товарларига талаб ва таклифларнинг мавсумий ҳамда бошқа жиддий тебранишларини меъёрга солишга йўналтирилади. Бундай маҳсулотлар орасида биринчи навбатда – гўшт, ўсимлик ва ҳайвон ёғлари, дон маҳсулотлари, ун, картошка, сабзи, пиёз ва бошқа ижтимоий аҳамиятга эга муҳим озиқ-овқат товарлари бор.

Республика ва ҳудудий комиссиялар жойларда асосий ижтимоий аҳамиятга эга озиқ-овқат маҳсулотларини етказиб бериш ва сотишни ўз вақтида амалга оширишни мувофиқлаштиради; ҳуқуқ-тартибот идоралари билан биргаликда нархларнинг сунъий оширилишига йўл қўймаслик мақсадида тизимли назорат олиб боради; Ўзбекистон МТРК, “Маҳалла” Жамғармаси ва бошқа жамоат ташкилотлари билан биргаликда Фонд маблағлари ҳисобидан асосий ижтимоий аҳамиятга эга озиқ-овқат маҳсулотлари етказиб берилиши ва сотилиши жараёнларининг самарали жамоатчилик назоратини ташкил этиш бўйича чоралар кўради.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34847 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 73393 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 138099 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 770 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 2987 Жамият
Виталий Денисов футболга қайтганидан хурсанд
02:29 1740 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 2192 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Ла-лига. «Атлетико» бир киши кам бўлиб, мағлубиятдан қутулиб қолди
01:56 1399 Спорт
Кўпроқ янгиликлар