БРИКС давлатлари етакчилари Гамбургда 7-8 июль кунлари бўлиб ўтадиган G20 саммити доирасида норасмий учрашув ўтказадилар. Бу ҳақда Хитой ташқи ишлар вазири ўринбосари Ли Баодун маълум қилди, деб хабар бермоқда РИА “Новости” ахборот агентлиги. 

"Анъанага айланган тажрибага кўра Гамбургдаги G20 саммити олдидан БРИКС давлатлари етакчилари норасмий учрашув ўтказадилар", деб айтди Баодун.

Унинг айтишича, учрашув Хитой етакчиси Си Цзиньпин раислигида бўлиб ўтади.

Жорий йилда Хитой БРИКСда раислик қилувчи давлат ҳисобланади, бу ташкилот етакчиларининг навбатдаги саммити Сямэнь шаҳрида сентябрда бўлиб ўтади.