АҚШ ва НАТО ўзининг асосий жанговар кучларини Афғонистондан олиб чиқиб, шошилинч қарор қабул қилган. Бу ҳақда Пентагон раҳбари Жеймс Мэттис НАТО мудофаа вазирлари билан учрашуви якунида маълум қилди.

"Ортга қараб шуни айтиш мумкинки, қўшинларни жуда тез олиб чиқиб кетганмиз, уларнинг сонини жуда тезлик билан камайтирганмиз", - деди у. Афғонистондаги амалиёт 2011-2012 йилларда ўзининг энг баланд нуқтасига чиққанида АҚШ бошчилигидаги коалиция кучлари сони 100 минг кишига тенг эди, плюс НАТО қўмондонлигидаги Халқаро хавфсизликка кўмак кўрсатиш кучлари таркибида 140 минг киши бор эди.

АҚШ ва НАТОнинг асосий жанговар кучларини олиб чиқиб кетиш 2014 йилнинг декабрида якунланди, Афғонистонда НАТО йўриқчилари ва маслаҳатчилари миссияси – 13,5 минг кишилик “қўллаб-қувватлов” гуруҳи қолди. Сўнгги уч йил давомида нафақат ҳукуматга қаршилик кўрсатувчи толиблар ўз кучини мустаҳкамлади ва назорати остидаги ҳудудларни кенгайтирди, балки ИШИДнинг мамлакатдаги бўлинмалари пайдо бўлди.
Улар ҳам толибларга, ҳам ҳукумат кучларига қарши жанг қилмоқда.

Ўз навбати Афғонистон мудофаа вазири вазифасини бажарувчи генерал-майор Тариқ Шоҳ Баҳромийнинг НАТО матбуот анжуманида маълум қилишича, халқаро кучларнинг олиб чиқилишини шошилинч, деб ҳисобламайди, сабаби афғон армияси “мамлакатда тартиб ушлаб туриш учун хорижий ҳарбийларга доимо таяниб яшаши мумкин эмас”.