Ўзбекистон президенти Шавкат Мирзиёев 29 июнь куни Мирзо Улуғбек туманига ташрифи давомида 8-сонли шаҳар ички ишлар бўлимида ҳам бўлиб, ходимлар билан суҳбатлашди ва иш фаолияти билан танишди.

Бу ерда автомобилларнинг давлат рақамларини автомат равишда таниш ва қоидабузарликларни қайд этиш учун «Автокон» ускунаси тақдимоти ўтказилди. 

Мазкур ускуна йўл ҳаракати хавфсизлиги инспектори машинасига ўрнатилади ва оқимдаги автомобилларни орқа рақамлар орқали «танишга» имкон беради.

Президент ушбу қурилмани янада такомиллаштириш юзасидан кўрсатмалар берди.