Эстония шанба куни ЕИ Кенгаши раислигига киришади. У бу лавозимни Мальтадан қабул қилиб олади. Мамлакатнинг раислиги 31 декабрга қадар давом этади.

ЕИ аъзо давлатлари доимий вакиллари бундай қарорни 2016 йилда қабул қилишган. Бу Буюк Британия Brexit туфайли раисликдан воз кечгани туфайли юз берди. Аввал Эстония Буюк Британиядан сўнг раисликка киришиши лозим эди.

Раис давлат мажбуриятига Кенгаш йиғилишлари ва ишчи гуруҳлари фаолиятини ташкил этиш киради: кун тартибини яратиш, йиғилиш ва учрашувларга раҳбарлик қилиш, муҳокамалар давомида умумий позицияларни аниқлаш, Европа комиссияси ва Европа парламенти муҳокамаларида келишувларни тақдим этиш ҳамда имзолаш.

Эстония ҳукумати 29 июнь куни раислик дастурини тасдиқлади. У тўртта устувор йўналишдан иборат. очиқ ва инновацион иқтисодиётга эга Европа, хавфсиз ва ҳимояланган Европа, рақамли Европа ва маълумотларни эркин алмашиш.

Таллиннинг фикрича, иқтисодиётни соғломлаштириш ва иш ўринларини яратиш жозибали ишбилармонлик муҳити ва самарали савдо шериклигига имкон беради. Очиқ ва инновацион иқтисодиёт ишбилармонлик билан бюрократиянинг кичик даражасида шуғулланишга асосланган. Иқтисодий ўсиш ҳамда иш ўринларини яратиш учун ягона бозор салоҳиятидан фойдаланиш лозим. Шунингдек, юқори технологияли илм-фанни қўллаб-қувватлаш керак, бу Европа иқтисодиёти инновациялар ва янги технологияларга очиқ бўлишида керак бўлади. 

Иккинчидан, Эстония, раис сифатида, Европадаги хавфсизлик ва ҳимояланганликнинг қадрига етади. Ички чегараларсиз Европа хавфсизлик сиёсати, ташқи чегаралар, миграция ва бошпана тизимида умумий ечимларни талаб этади. Эстония раислиги вақтида Европа ташқи чегараларини қўриқлашни кучайтиришга ҳаракат қилади.

Учинчидан, дастурда жамиятнинг рақамли ривожи муҳимлигига эътибор қаратилади. Тез, сифатли интернет-уланиш иқтисодиётга ҳам ўзининг ижобий таъсирини ўтказмай қолмайди.

Тўртинчидан, Эстония “ўзига жалб этувчи” Европа ғоясини илгари суриши муҳим. Бунда ҳар бир кишига тенг имкониятлар яратилиши даркор. 

Эстонияда ярим йил давомида вазирликлар даражасидаги 11 та норасмий учрашув ва еттита олий даражадаги анжуман бўлиб ўтади. Шунингдек, экспертлар даражасида 203 та тадбир бўлиб ўтади.