Москвада жума кунги ёмғир июнь ойидаги ёғингарчилик бўйича рекорд ўрнатди, шу билан бирга, ўтган ой кузатувлар тарихидаги энг намлисига айланди.

"30 июнь кунги ёмғир иккита рекорд келтирди: у Москвадаги кузатувлар тарихида 30 июнь куни юз берган энг кучлиси ва бутун июндаги энг кучлисига айланди. 2017 йилнинг июнь ойи тарихдаги энг намли об-ҳавога эга иккинчи ой бўлди", - дейилади хабарда.

Таъкидланишича, жума кунги 65 миллиметр ёмғир ёғган, ёки ойлик норманинг 84 фоизи. Жуда кучли ёмғирлар Шереметьево (60 миллиметр), Долгопрудний (58 миллиметр) ва Немчиновкада (51 миллиметр) ҳам кузатилди. 

Об-ҳаво марказидан хабар беришларича, Москвада сўнгги бор жуда кучли ёмғир 2016 йилнинг 15 август куни юз берган, ўшанда бир суткада 88 миллиметр ёғингарчилик кузатилган.