1 июль куни тонгги вақтда Тошкент шаҳри, Чилонзор туманининг Муқимий кўчаси, 164-уйда ёнғин чиққан. Бу ҳақда воқеа жойидан Кун.uz мухбири хабар бермоқда.

Дастлабки маълумотларга кўра, ёнғин кўп қаватли турар-жой биносининг том қисмида чиққан. Ҳудудга ўт ўчириш хизмати ходимлари етиб келган ва ёнғин бартараф этилган. Жабрланганлар йўқ.

Ёнғин хавфсизлиги ходимларининг маълум қилишича, ҳодисага том остидан ўтган электр узатмаларида чиққан қисқа туташув сабаб бўлган.