Тошкентда ёш йигит тенгдошлари томонидан калтакланиши оқибатида ҳаётдан кўз юмди

Жамият 01 Июль 2017 115333
Фото: Facebook

Тошкентда ёш йигит Юнусобод туманининг Марказ-4 мавзесида тенгдошлари томонидан калтакланганидан сўнг вафот этди. Ҳодиса 28 июнь куни кечқурун юз берган. Бу ҳақда Кун.uz’га Тошкент ИИББ Тергов бошқармаси бошлиғи Дониёр Тошхўжаев маълум қилди

Аввалига Акмал Абдураҳмонов исмли йигитнинг ҳаётдан кўз юмгани ҳақида турли ижтимоий тармоқларда хабарлар пайдо бўлди. Хусусан, Facebook’даги гуруҳлардан бирида гувоҳларнинг ёзишича, Акмал Тошкент шаҳридаги 1-юридик коллежининг 2013 йилги битирувчиси бўлган. У ҳодиса юз бергач, 4 соатлик жарроҳлик амалиётидан ўтказилган, бош мияси қаттиқ шикастланган. Шу билан бирга ижтимоий тармоқда айбланувчилар унга фақатгина бир бора зарба беришгани, унинг ўзи йиқилиб тушганини маълум қилишгани айтилади.

Кун.uz манбасининг хабар беришича, воқеа тунги 21:30-22:00 атрофида бўлиб ўтган. Спорт кийимидаги болалар марҳум билан гап талашиб қолишади ва ўртада низо келиб чиқади. Улар Акмалга ҳужум қилишади, йигит ҳушсиз ерга қулайди.   

Ҳодиса юзасидан Жиноят кодексининг 104-моддаси 1-қисми бўйича жиноий иш қўзғатилган. Кейинчалик иш 104-модда 3-қисмга ўзгартирилди (жабрланувчининг ўлимига сабаб бўлган қасддан баданга оғир шикаст етказиш). 

Таъкидланишича, Юнусобод тумани Ички ишлар бошқармаси тергов-тезкор гуруҳи ушбу иш бўйича тергов олиб бормоқда. Гумонланувчилар исми ва сони ҳозирча ошкор этилмайди. 

Эслатиб ўтамиз, П.Ф.Боровский номидаги Тошкент тиббиёт коллежининг 1999 йилда туғилган, 17 ёшли талабаси Жасур Ибрагимов ўз курсдошлари томонидан калтакланганидан сўнг 1 июнь куни оламдан ўтганди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 12889 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 20472 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 10183 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 11018 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 37928 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52162 Жамият
Трамп Афғонистондан америкалик ҳарбийларни зудтар олиб чиқиш имконсизлигини айтди
14:10 195 Жаҳон
Қозоғистон Қирғизистонга ёрдам кўрсатишни бошлади - 41 миллион доллар
14:00 282 Жаҳон
Президент ҳузурида ишбилармонлик муҳитини яхшилаш бўйича Давлат комиссияси ташкил этилиши мумкин
Терма жамоанинг Қирғизистонга қарши ўртоқлик учрашувига мухлислар киритилмайди
13:40 1960 Спорт
Кўпроқ янгиликлар