Якшанба куни Хорватиянинг Раб оролида бемор Сержан Смойвер Калашников автоматидан психиатр Синишу Ракичга қарата ўқ узган, психиатрнинг аёли эса деразадан ташқарига сакраб, қутулиб қолган. Jutarnji list шу ҳақида хабар берди

Бемор ва шифокор Адриатика денгизидаги Раб ороли Барбат қишлоғида жойлашган кўп хонали уйларнинг бирида бўлишган. Якшанба куни маҳаллий вақт билан соат 11:00да Смойвер шифокор Ракичга қарата автоматдан ўқ узган. Психиатрнинг турмуш ўртоғи иккинчи қават деразасидан пастга сакраб, қутулиб қолган. Шундан сўнг бемор ўз квартирасига қулфланиб олиб, портловчи қурилма тайёрлаб қўйганини айтган. 

Республиканинг ички ишлар вазирлиги иштирокчилар исми ва уларнинг кабсини кўрсатмаган ҳолда воқеа ҳақида хабар берган:

"Полиция ходимлари келиши билан 1969 йилда туғилган  гумондор уларга қарата бир неча марта ўқ узган. Воқеа рўй берган жой атрофи ўраб олинган, полициянинг махсус отряди чақирилган. Махсус отряд келиши билан 1966 йилда туғилган жабрланувчи жасади олиб чиқилган, ўлим ҳолати тасдиқланган", - дейилади ИИВ хабарида. 

Идора маълумотларига кўра, жабрланувчининг 1963 йилда таваллуд топган аёли хавфсиз жойда. Гумондор билан музокаралар олиб борилмоқда.