Кисловодскда ўзбекистонликлар Ҳайит байрами муносабати билан тадбир уюштиришди

Жамият 02 Июль 2017 5103

Россиянинг Кисловодск ҳудудида, баҳаво ва минерал манбаларга бой масканда ватаннинг бир қисми — “Ўзбекистон” санаторийси жойлашган. Бу соғломлаштириш масканини том маънода хориждаги митти Ўзбекистон, деб аташ мумкин.

Ҳозирги кунда бу ерда Ўзбекистоннинг турли ҳудудларидан келган 200 нафарга яқин киши ўз саломатлигини тиклаяпти. Бу ерга одатда турли касб эгалари, турли ёш вакиллари келишади.

Яқинда санаторий маъмурияти бу ерда Рамазон ҳайити муносабати билан байрам тадбири уюштирди. Дастурхонга ўзбек миллий таомлари — палов, лағмон, бўғирсоқ тортилди.

Байрам тадбирида Ўзбекистонда хизмат кўрсатган артист, соҳир овоз соҳиби Хожиакбар Ҳамидов иштирокида хайрия концерти ташкил этилгани, айниқса, байрамга ўзгача шукуҳ бағишлади. Хофизнинг “Муножот”, “Муҳаббат”, “Умр ўтмоқда” сингари ўлмас қўшиқлари янгради. Тошкентдан келтирилган тор ва доирада, жонли овозда ижро этилган куй-қўшиқлар  бир муддатга ҳордиқ чиқарувчиларнинг она Ватан соғинчини босди. Айниқса, санаторийнинг катта ёш вакиллари концертни мароқ билан тинглашди.

“Ўзбекистон” санаторийси 1932 йилда ташкил этилган бўлиб, тиббий минералларга бой Кисловодск шаҳрида жойлашган 44 та санаторий орасида энг яхшиларидан бири саналади. У юрак-қон томир, нафас органлари, асаб тизимидаги касалликларни даволашга ихтисослашган.  

Ш. СУЛТОНОВ,
меҳнат фахрийси

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34784 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 73286 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10834 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 137955 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 724 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 2754 Жамият
Виталий Денисов футболга қайтганидан хурсанд
02:29 1626 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 2009 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар