Тадқиқотчилар Кассини зонди томонидан суратга олинган суратларни тақдим этишди. Аппарат олтинчи сайёранинг уч йўлдошини суратга олган. Уларга Дафнис, Атлас ва Пан номлари берилди. NASA шу ҳақида хабар берди. 

Мутахассислар кадрларни фильтрлар ёрдамида қайта ишлашди. Шундан сўнг Сатурн йўлдошлари суратларининг аниқлиги ошди. 

Суратлар, аниқроғи йўлдошларнинг "гастрономик" шакллари интернет фойдаланувчилари орасида қизғин муҳокамага сабаб бўлди. Инглиззабон фойдаланувчилар уларни "pies" деб атаган бўлишса, русийзабонлар янги йўлдошларни "чучвара" деб номлашган.