Португалия Мексикани енгиб, Конфедерациялар кубоги бронза медалларига эга бўлди

Спорт 02 Июль 2017 13042

Конфедерациялар кубогида учинчи ўрин учун баҳс Москвадаги «Открытие Арена»стадионида Португалия ва Мексика терма жамоалари ўртасида бўлиб ўтди.

Учрашувнинг 16-дақиқасида Криштиану Роналдусиз майдонга чиққан португаллар пенальти тепиш имкониятига эга бўлишди. Аммо нуқтага яқинлашган Андре Силва хато қилди - Гильермо Очоа сэйв қилди.

Иккинчи бўлим бошида эса мексикаликлар Нетунинг автоголи туфайли ҳисобни очишди - 1:0. Бу вазиятда Чичаритонинг майдон чизиғида туриб жарима майдончасига йўллаган тўпи ҳимоячига тегиб, дарвозадан жой олди.

Ўйиннинг асосий вақти якуни драматик кўриниш олди - португаллар ҳимоячиси Пепе ҳисобни тенглаштириб, жамоаларни қўшимча бўлимларга олиб ўтди.

Қўшимча бўлимлар вақтида эса Адриен Силва пенальтини аниқ амалга ошириб, португалларни олдинга олиб чиқди. Бу пенальти мексикаликлар ҳимоячиси Мигел Лаюн тўпни жарима майдони ҳудудида қўли билан ўйнагач, белгиланганди.

Кўп ўтмасдан португаллар ҳимоячиси Нелсон Самеду қизил карточка олиб, майдонни тарк этди. 6 дақиқа ўтиб, 112 дақиқада мексикаликлар вакили Раул Хименес иккинчи сариқ карточкани олиб, майдлндан четлатилди. Ўйиннинг қолган қисмида Португалия ғалабани сақлаб қолди ва турнирнинг учинчи ўрнини қўлга киритди.

Конфедерациялар кубоги
3-ўрин учун ўйин

Португалия – Мексика 2:1 (0:0, 1:1, 1:0)
Голлар: 0:1 – 54, автогол Нету, 1:1 – 90 Пепе, 2:1 – 104, пенальти Адриен Силва.
Португалия – Руй Патрисиу, Пепе, Элизеу, Нелсон Семеду, Нету, Пицци (Вильям Карвалью, 90), Данилу Перейра (Андре Гомеш, 82), Нани (Куарежма, 70), Моутинью (Адриен Силва, 82), Желсон Мартинш, Андре Силва.
Мексика – Очоа, Маркес (Фабиан, 105), Морено, Лайюн, Гуардадо (Дос Сантос, 80), Рейес, Эррера, Вела, Араухо, Перальта (Лосано, 61), Эрнандес (Хименес, 85).
Огоҳлантиришлар: Маркес (16), Нелсон Семеду (26), Хименес (94), Морено (98).
Четлатиш: Нелсон Семеду (106), Хименес (112).

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 14340 Lifestyle
KUN.UZ Тошкент вилоятига ташриф буюради. Савол ва таклифлар қабул қилинмоқда
00:08 / 20.08.2017 11517 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 47003 Жамият
Kun.uz Сирдарё ҳокими билан учрашади. Аҳолидан саволлар қабул қилинади
18:40 / 16.08.2017 8374 Ўзбекистон
«Ўзбекистон 24» телеканали раҳбари ўзгарди
«GM Uzbekistan»нинг Асакадаги заводи ўз ишини вақтинчалик тўхтатади
Хайрулла Нуриддинов 3 кун ўтиб яна МТРК раиси ўринбосарлигига қайтди
Умумхалқ ҳашари доирасидаги хайрия тадбирларига 5,3 миллиард сўмдан зиёд маблағ сарфланди
16:45 295 Жамият
Макка шаҳридаги меҳмонхоналардан бирида ёнғин чиқди
16:40 1582 Жаҳон
Машҳур раҳбар бўлиш учун нималарга эътибор бериш ҳақида: 5 машҳур афсонага раддия
16:35 1803 Lifestyle
Кўпроқ янгиликлар