Швейцариянинг Во кантонида 1 июль тонгида 4,3 магнитудали зилзила рўй берди. Бу ҳақда мамлакат сейсмология хизмати хабар бермоқда.

Зилзила маҳаллий вақт билан 10:10 (Тошкент вақти билан 13:10) Женевадан унча узоқ бўлмаган Шато д'Э аҳоли яшаш пунктида содир бўлган. Аҳолининг маълум қилишича, ер ости силкинишлари Веве до Фрибура шаҳрида ҳам сезилган.  Кантон полицияси маҳаллий аҳолидан воқеа юзасидан 30та хабар олган. Талофотлар кузатилмаган.

Швейцарияда зилзила бўлиши камдан кам ҳолатда кузатилади. Энг кучли ер ости силкинишлари мазкур мамлакатда бундан 10 йил муқаддам рўй берган эди.