Си Цзиньпин Америка РҚМ тизими кимларга таҳдид солаётганини айтди

Жаҳон 03 Июль 2017 17129
Фото: Billy H.C. Kwok/Pool Photo via AP

Америка Қўшма Штатларининг Жанубий Кореяда ўрнатаётган Ракеталарга қарши мудофаа тизимлари минтақадаги стратегик мувозанатни издан чиқаради. ХХР раиси Си Цзиньпин Москвага ташрифи арафасида ТАСС агентлигига берган интервьюсида шундай баёнот берди. 

"АҚШнинг Жанубий Кореяда THAAD РҚМ тизимларини жойлаштириши минтақа мамлакатлари, хусусан, Хитой ва Россиянинг стратегик хавфсизлигига жиддий зарар етказади. Шу билан бирга, у ярим оролнинг ядро қуролидан холи бўлиши, минтақада тинчлик ва барқарорликни сақлашга ёрдам бермайди. Хитой томони шу муносабат билан жиддий норозилиги ҳамда хавотирини билдирган", - дея таъкидлаган Хитой етакчиси. 

"Хитой ва Россия THAAD масаласи бўйича барча даражалардаги алоқалар ва мувофиқлаштиришларни сақлаб келмоқда. Биз унинг таҳдиди ва мақсади юзасидан ўхшаш қарашларга эгамиз. Иккала томон ҳам АҚШнинг THAAD тизимларининг Корея республикасида жойлаштирилишига қарши ҳамда томонларни қарорни бекор қилишга ва ўрнатиш ишларини тўхтатишга қатъият билан чақирмоқда", - дея таъкидлаган Си Цзиньпин. 

Унинг қайд этишича, Хитой ва Россия, биргаликда ёки алоҳида бўлсин икки мамлакат хавфсизлигини ва минтақадаги стратегик мувозанатни сақлаш мақсадида жавоб чораларини кўради. 

Хитой раҳбарининг фикрича, Корея ярим оролидаги инқироз фақат мулоқот ва маслаҳатлашувлар йўли билан, барча манфаатдор томонларнинг асосли ташвишларини эътиборга олган ҳолда ҳал этилиши керак. 

"Хитой томони ярим оролдаги вазият ривожини диққат билан кузатиб, ярим оролни ядросизлантириш, унда тинчлик ва барқарорликни таъминлаш мақсадига содиқ қолмоқда, инқирозни мулоқот ва музокаралар йўли билан ҳал этиш кераклигини таъкидламоқда", - деган Си Цзиньпин.

У Корея ярим оролини ядро қуролидан холи қилиш муаммоси "жуда мураккаб бўлиб, узоқ вақтга бориб тақалишини" ёдга олар экан, "барча манфаатдор томонларнинг ташвишларини эътиборга олган ҳолда сабаблари ва оқибатларига барҳам бериш" зарурлигини таъкидлади.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 95642 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 46521 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 51702 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9337 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20136 Ўзбекистон
Яшнободда автомашина эшигини сих орқали очиб, 1500 долларни ўмарган шахс ушланди
02:51 306 Жамият
Самарқандда жисмоний имконияти чекланган ёшлар билан очиқ мулоқот ташкил этилди
02:50 142 Жамият
«Барселона» Ла Лиганинг 1-турида теракт қурбонлари хотираси учун махсус либосда майдонга тушади
01:43 652 Спорт
Оқдарёда электр таъминоти корхонасининг порахўр раҳбари ва таъмагир врач қўлга тушди
01:36 838 Жамият
Бразилия полицияси мавжуд бўлмаган спортчиларда пул қилган гуруҳни аниқлади
00:50 534 Жаҳон
Кўпроқ янгиликлар