3-9 июль кунлари Ўзбекистон бўйлаб жазирама кузатилади. Баъзи ҳудудларда ҳаво ҳарорати +45 даражагача кўтарилади.

Гидрометеорология маркази маълум қилишича, Ўзбекистон ҳудудига Туркманистон орқали Эрондан иссиқ ва қуруқ ҳаво оқими кириб келади.

Ҳафта давомида ҳаво ҳарорати кўп йиллик ўртача кўрсаткичлардан 4-6 даража юқори бўлади. Кундуз кунлари ҳарорат ўртача +38…+43 даражага етади.

Қорақалпоғистонда, Хоразм, Бухоро, Навоий, Қашқадарё, Сурхондарё вилоятларида ҳарорат +44…+45 даражагача кўтарилади, гармсел бўлиши кутилмоқда.

Ҳаво ҳарорати кўтарилиши муносабати билан 3-9 июль кунлари республиканинг тоғолди ва тоғ ҳудудларида Тожикистон ҳамда Қирғизистондаги музлар эришидан ҳосил бўлган сел оқимлари келиши хавфи бор.