Taniqli bloger, jurnalist, tarjimon hamda diniy-ma'rifiy ruhdagi qator risolalar muallifi Adham Atajanovning “Bag‘dodning qulashi” deb nomlangan kitobi nashrdan chiqdi. Adham Atajanov uzoq vaqt internetda milliy kontenetni boyitish jabhasida xizmat qilib keladi. Ya'ni, o‘zbek internet jurnalistikasiga o‘ziga yarasha xissa qo‘shib kelayotgan shaxslardan. U tashkil qilgan o‘zbek tilidagi o‘nlab ma'rifiy saytlar katta reytinglarga ega bo‘lib, shuning bilan birga juda nodir saytlar hisoblanadi.
Yangi nashrdan chiqqan kitob: “Dilbar adib Abdulla Qodiriy betakror “O‘tkan kunlar” romani shunday so‘zlar bilan boshlaydi: “Moziyg‘a qaytib ish ko‘rmak xayrlik, deydilar”. Haq gap. Zero, tarix - ko‘zgu, unda insoniyat o‘z xatolarini ko‘rib, kelajak uchun kerakli xulosalar chiqarib olishdek imkoniyat taqdim etadi...”, deb boshlangan.
Muallif shunday ta'kidlaydi: “Ushbu to‘plam dunyo tamadduniga beqiyos hissa qo‘shgan, o‘z vaqtida musulmon olamining ma'rifi mehvari nomi ila tarixda qolgan Bag‘dodning tanazzulga yuz tutishi, bunga sabab bo‘lgan omillar haqida”. Kitob tarixga qiziqadigan keng omma e'tiboriga mo‘ljallangan.
