Бангладешнинг Газипур округида кийим-кечак тикиш фабрикасида иситиш қозонининг портлаши оқибатида камида 9 киши ҳалок бўлди, 50 киши жабрланди. Бу ҳақда bdnews24 янгиликлар портали маълум қилди. 

Ўт ўчириш хизмати вакилининг айтишича, портлаш 3 июлда соат 19.00ларда юз берган. Портлаш оқибатида Multifabs Ltd компаниясига қарашли фабриканинг 4 қаватли биноси қисман вайрон бўлган. Таъкидланишича, қурбонлар сони ошиши мумкин.

Қутқарув операцияси олиб борилмоқда. Жароҳатланганлар шифохоналарга етказилганлар.