«Барселона» собиқ бош мураббийи, ҳозирда «Манчестер Сити»ни бошқараётган Хосеп Гвардиола каталония клуби ҳақида фикр билдира туриб, мухлислар улардан баъзида жуда кўп нарсаларни талаб қилиб юборишини таъкидлади.

«Одамлар «Барселона» ЕЧЛни ҳар доим ютиши керак деб ўйлашади, аммо аслида ундай эмас. Бу турнирда ҳар доим ғалаба қозониш учун жуда ва жуда қийин. «Барселона» эришаётган натижаларга хотиржамлик ва сабр билан эришса яхши бўларди. «Ливерпуль», «Челси», «Ювентус», «Реал», ёки ва Париждаги стадионларда ғалаба қозониш жуда мураккаб. Сўнгги йилларда испан жамоалари Европада етакчилик қилишмоқда, бироқ шунга қарамай, бошқа жуда кучли бўлган клублар кўп », — дея Гвардиоланинг сўзларини келтиради L'Esportiu.