Италия ташқи ишлар вазирлиги Вена Италия билан чегарасида муҳожирлар оқимини тўхтатиш учун ҳарбийларни жойлаштирмоқчилигидан кейин Австриянинг Римдаги элчисини чақиртирди. Бу ҳақда ANSA нашри хабар бермоқда.

"Италия ташқи ишлар вазирлиги Австриянинг Римдаги элчиси Рене Поллитцер Австрия Бреннер довонида қўшинларни жойлаштирмоқчилигини маълум қилгандан кейин вазирликнинг бош котиби, элчи Элизабетт Беллони томондан 4 июль эрталаб чақиртирилганини маълум қилган", дейилган хабарда.

Аввалроқ Австрия мудофаа вазирлиги агар Италиядан келаётган муҳожирлар оқими камаймаса, Бреннер довонидаги Австрия-Италия чегарасида 750 гача ҳарбий жойлаштиришга тайёрлигини маълум қилганди. 

Март ойи охирида Австрия ҳукумати ўз юртига кўнгилли равишда қайтишни истаган муҳожирларга тўловларни икки марта оширганди.