Ўзбекистон Республикаси президентининг 5 июлдаги қарори билан Ўзбекистон дарё транспорти агентлиги раҳбари Воҳид Исмоилов Валиджонович ишдан олинди. Бу ҳақда президент матбуот хизмати хабар берган.

Агентликка 2013 йилдан буён раҳбарлик қилиб келган Воҳид Исмоилов бошқа ишга ўтиши муносабати билан лавозимидан озод этилгани қайд этилган.

Эслатиб ўтамиз, 4 июль куни Ўзбекистон президенти Шавкат Мирзиёев раислигида иқтисодиёт соҳасига бағишланган йиғилиш ўтказилган, унда президент банк соҳасидаги юзаки ислоҳотларга чек қўйишни талаб қилганди.